Աջափնյակում մետրոյի կայարանի շինարարությունը կտևի 4 տարի. այսօրվա նիստում Կառավարությունը 1 մլրդ 100 մլն դրամ հատկացրեց Տարածքային կառավարման և ենթակառուցվածքների նախարարությանը՝ Աջափնյակի մետրոյի նոր կայարանի կառուցման նախագծանախահաշվային աշխատանքների ֆինանսավորման համար: «Միայն այս կայարանով չենք ուզում սահմանափակվել. քննարկել ենք նաև «Փեթակի» տարածքում գտնվող հատվածում ևս մեկ կայարան ստեղծելու հարցը: Քաղաքապետարանն առաջարկելու է մետրոյի զարգացման շարունակական ծրագիր, որ ամեն տարի ունենանք նոր կայարանների բացման ուղղությամբ կատարվող աշխատանքներ»,- նշեց Երևանի փոխքաղաքապետ Տ. Ավինյանը: |