Freedom House միջազգային իրավապաշտպան կազմակերպության տարեկան զեկույցի համաձայն՝ Հայաստանը շարունակում է մնալ «մասնակի ազատ» երկիր: Հայաստանի վարկանիշը 100 բալանոց համակարգով գնահատվել է 54: Զեկույցում նշվում է, որ 2021թ. ընտրություններից հետո երկրում ժողովրդավարությունն անկում է ապրել. ՀՀ արդարադատության նախարարությունը մեծ թվով քրեական գործեր է հարուցել ընդդիմադիր գործիչների նկատմամբ: Ըստ Freedom House-ի՝ իրադրությունը պայմանավորված է նաև ՀՀ-ի դեմ ադրբեջանական շարունակվող ագրեսիայով: |