Թուրքիայում երկրաշարժերի զոհերի թիվը գերազանցել է 49 հազարը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Թուրքական պետությունների կազմակերպության գագաթնաժողովում ունեցած ելույթի ժամանակ։ «Թուրքիան, բարեկամ և եղբայրական երկրների աջակցությամբ, հույս ունի հնարավորինս արագ վերացնել երկրաշարժերի հետևանքները։ Թուրքական աշխարհն առաջիններից էր, որ արձագանքեց Թուրքիայի կոչին։ Մենք չենք մոռանա ձեր աջակցությունը»,- ընդգծել է Էրդողանը։ |