Իսրայելի պաշտպանության նախարարը զինվորականներին հանձնարարել է պատրաստվել ցանկացած պատասխան տարբերակի՝ Լիբանանի տարածքից հրեական պետության հրթիռակոծումից հետո, ասվում է պաշտպանության նախարարության հայտարարության մեջ։ Նաև բանակի մամուլի ծառայությունը հայտնել է, որ Մետուլա քաղաքը ենթարկվել է ականանետային կրակի Լիբանանից։ Նշենք, որ ապրիլի 6-ին Իսրայելը ենթարկվել է զանգվածային հրթիռակոծության։ Լիբանանի տարածքից, ինչպես հայտնում է Իսրայելի պաշտպանության բանակը, արձակվել է 34 հրթիռ։ Դրանց մեծ մասը խոցվել է, սակայն առնվազն հինգ հրթիռ չի հաջողվել որսալ։ |