Ալպերում ձնահյուսի հետևանքով 4 մարդ է զոհվել, Twitter-ում հայտնել է Ֆրանսիայի ՆԳ նախարար Ժերալդ Դարմանինը։ Կան տուժածներ, փրկարարները շարունակում են որոնողական աշխատանքները, շեշտել է նա։
«Օրվա կեսին ձնահյուսը պոկվել է Ալպերում գտնվող Արմանսեթ սառցադաշտից։ Նախնական տվյալներով՝ 4 մարդ զոհվել է, մի քանիսը՝ վիրավորվել»,- ասել է Դարմանենը։ Le Dauphiné Libéré թերթի տվյալներով՝ միջադեպը տեղի է ունեցել տեղական ժամանակով 11:27-ին (Երևանի ժամանակով 13:27-ին): Որոնողափրկարարական աշխատանքներին ներգրավվել են երկու ուղղաթիռ և մեծ թվով փրկարարներ ու տեխնիկա, գրում է թերթը։