+18 °C, +16 °C ... +28 °C Վաղը`+29 °C
Ֆրանսիայում հինգշաբթի օրը՝ երկրի Սահմանադրական խորհրդի կողմից թոշակի շեմը բարձրացնելու մասին օրենքի եզրակացության հայտարարության նախօրեին, ընթանում է կենսաթոշակային բարեփոխումների դեմ բողոքի 12-րդ համազգային ցույցը։ Իշխանությունների կանխատեսումների համաձայն՝ ամբողջ Ֆրանսիայում ցույցերին մասնակցել է 400000-600000 մարդ։ Նանտում և Ռենում ցույցերի ժամանակ բախումներ են տեղի ունեցել ցուցարարների և իրավապահների միջև։ Ցուցարարները հրկիզել են աղբամաններ, ջարդել ցուցափեղկերը։ Ֆրանսիական լրատվամիջոցների հրապարակած լուսանկարներից երևում է նաև, որ ցուցարարները մի քանի մեքենաներ են այրել։ Լարված իրավիճակ է ստեղծվել նաև Փարիզում, որտեղ հերթապահում են բազմաթիվ ոստիկաններ՝ մասնագիտացված տեխնիկայով, այդ թվում՝ սաղավարտներով և վահաններով։ Իրավապահներին ստիպված են եղել արցունքաբեր գազ կիրառել։ Արհմիությունների տվյալներով՝ Փարիզում ցույցերին մասնակցում է 400 հազար մարդ, մոտավորապես նույնքան էլ մասնակցել է ապրիլի 6-ի ցույցերին։ Մետրոպոլիտենի ոստիկանությունը հայտնել է, որ մինչ այժմ ձերբակալվել է 15 մարդ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am