«Հենց սկզբից, երբ ԵՄ դիտորդները տեղակայվել էին ՀՀ սուվերեն տարածքում, Ադրբեջանը փորձում էր ցույց տալ, որ դիտորդներն իրենց առաքելությունը պատշաճ չեն կատարելու: Միջադեպը նաև ուղղված էր ԵՄ դիտորդներին»,- «ՍիվիլՆեթի»-ի հետ զրույցում ասել է Հայաստանի Անվտանգության խորհրդի քարտուղար Արմեն Գրիգորյանը՝ անդրադառնալով ապրիլի 11-ին Տեղ գյուղի մոտակայքում ադրբեջանական հերթական ագրեսիային: Նրա խոսքով՝ դիտորդների տեղակայումը զսպող գործիք էր լինելու Ադրբեջանի համար, բայց վերջինը շարունակում է և՛ ռազմական հռետորաբանությունը, և՛ սադրանքների կազմակերպումը: «Ակնկալում ենք, որ Բրյուսելը համապատասխան քայլեր կձեռնարկի, որպեսզի համոզված լինենք, որ Ադրբեջանը կեղծ պատրվակներ չի օգտագործի՝ սադրանքներ կազմակերելու համար»,- ասել է ԱԽ քարտուղարը: