Գերմանիայի Դրեզդեն քաղաքում մասնագետները վնասազերծել են Երկրորդ համաշխարհային պատերազմից մնացած 250 կիլոգրամանոց ավիառումբը: Նշվում է, որ դրա պատճառով Ֆրիդրիխշտադտի շրջանում 15 հազար մարդ է տարհանվել, հայտնում է Bild-ը։ «Ռումբը վնասազերծվել է, մարդկանց թույլ են տալիս վերադառնալ իրենց բնակարանները»,- ասվում է հոդվածում։ Ռազմական միջոցների վերացման ծառայության աշխատակիցների խոսքով՝ արկը մինչ օրս վտանգ էր ներկայացնում։ |