«Ունենք 4 տարբերակ. շատ բարդ է, բայց պետք է ասեմ: Մեկը՝ այս իրավիճակի ստատուս քվոյի պահպանումն է, եթե խաղաղապահները լիարժեք իրականացնում են իրենց պարտականությունը, տեսնենք՝ հետո ինչ է լինում: Մյուսը կարող է բերել ցեղասպանության, եթե Ադրբեջանն իր նպատակներին հասնի: Երրորդը՝ ժողովրդի զանգվածային դուրս գալն է Արցախից՝ չընդունելով Ադրբեջանի պահանջները, և վերջապես՝ պայքար»,- «Հարցազրույց»-ի եթերում ասել է Արցախի նախագահի խորհրդական Դավիթ Բաբայանը՝ անդրադառնալով Արցախում ստեղծված իրավիճակին ու ապագայի հետ կապված հարցերին: «Պետք է բոլոր հաշվարկներն անենք, գցենք-բռնենք, տեսնենք՝ ինչ ենք անում, բայց այս 4 տարբերակն է, 4 տարբերակից այն կողմ բան չկա»,- հավելել է պաշտոնյան: