Ադրբեջանի հարցերով փորձագետ Անժելա Էլիբեգովան «Ռեվյու»-ի եթերում նշել է՝ չի կարծում, թե Բրյուսելում եռակողմ հանդիպումից հետո Եվրոպական խորհրդի նախագահ Շառլ Միշելի հայտարարությունն անակնկալ էր: «Փաստացի, Արցախն Ադրբեջանի կազմում ճանաչելու վերաբերյալ և՛ ուղիղ, և՛ ակնարկներ ամիսներ շարունակ Հայաստանի իշխանությունն անում է: 29,800 քառ. կմ-ի մասին պնդումներից, որ՝ մեզ վերաբերում է միայն սա, անընդհատ խոսվում էր: Սա ուղղակի միջազգային մակարդակում՝ պաշտոնական հանդիպման ժամանակ, ևս մեկ անգամ ֆիքսեցին, որ որևէ կերպ այլևս հրաժարվում են պայքարել Արցախի ինքնորոշման իրավունքի համար և ներկայացնել Արցախի բնակչության և ԼՂ հանրապետության դիրքորոշումը բանակցություններում, այդ թվում՝ նաև, ըստ երևույթին, դադարում են իրենց համարել Արցախի անվտանգության երաշխավոր»,- ասել է Էլիբեգովան: |