«Ուկրաինայի նախագահ Վլադիմիր Զելենսկու խոսքերը Բախմուտում իրավիճակի մասին սխալ են մեկնաբանվել լրագրողների կողմից, պետության ղեկավարը չի ճանաչել քաղաքի նկատմամբ վերահսկողության կորուստը»,- այս մասին ֆեյսբուքյան իր էջում գրել է նախագահի մամուլի քարտուղար Սերգեյ Նիկիֆորովը. փոխանցում է РБК-ն:

«Շփոթմունքն առաջացել է այն պատճառով, որ լրագրողները անընդմեջ երկու հարց ուղղեցին. «Պարոն նախագահ, Բախմուտը դեռ Ուկրաինայի ձեռքո՞ւմ է», «Ռուսներն ասում են, որ Բախմուտը վերցրել են», որից հետո Զելենսկին պատասխանել է. «Կարծում եմ՝ ոչ»: «Այսօրվա դրությամբ, Բախմուտը միայն մեր սրտերում է. Այդ վայրում ոչինչ չկա»,- հավելել է պետության ղեկավարը։

Զելենսկու ներկայացուցիչն ընդգծել է, որ ինքը պատասխանել է երկրորդ հարցին՝ «այս կերպ նախագահը հերքել է Բախմուտի գրավումը»։