«Ադրբեջանի 86,600 քառ. կմ-ը ներառում է նաև Լեռնային Ղարաբաղը, բայց նաև պետք է արձանագրենք, որ ԼՂ հայերի իրավունքների և անվտանգության հարցը պետք է քննարկվի Ստեփանակերտ-Բաքու ձևաչափով»,- այս մասին մամուլի ասուլիսի ժամանակ հայտարարել է ՀՀ վարչապետ Նիկոլ Փաշինյանը։ «Հայաստանի այսօրվա կառավարությունն ինչ ասի՝ չասի, ՀՀ բոլոր կառավարությունները ճանաչել են Ադրբեջանի տարածքային ամբողջականությունը: Ադրբեջանի 86,600 քառ. կմ տարածքային ամբողջականությունը ՀՀ-ը պատրաստ է ճանաչել ու, մեր ընկալմամբ, Ադրբեջանն էլ պատրաստ է ճանաչել ՀՀ 29,800 քառ. կմ տարածքային ամբողջականությունը»,- հավելել է նա: |