2023 թվականին Ադրբեջանի պետական բյուջեից պաշտպանական նպատակներով կհատկացվի լրացուցիչ 1 մլրդ մանաթ (588,2 մլն դոլար), հայտնել են երկրի ֆինանսների նախարարությունից։ «2023 թվականի պետբյուջեում այդ նպատակների համար նախատեսված ծախսերը նախատեսված են եղել 2 միլիարդ 70 միլիոն մանաթի չափով, սակայն, հաշվի առնելով պաշտպանունակության ուժեղացման անհրաժեշտությունը, խորհրդարան ներկայացված՝ 2023 թվականի պետական բյուջեի փոփոխությունները նախատեսում են պաշտպանության ոլորտում ծրագրերի և հատուկ նշանակության միջոցառումների ֆինանսավորման համար հավելյալ 1 մլրդ մանաթ հատկացնելու համար»,- նշել են հակառակորդ երկրի Ֆինանսների նախարարությունից։ Այսպիսով, այս նպատակների համար ծախսերն այս տարի կկազմեն 3 մլրդ 70 մլն մանաթ (1 մլրդ 805,9 մլն դոլար՝ ընթացիկ փոխարժեքով)։ |