Միացյալ Նահանգները չորեքշաբթի օրը կհայտարարի Ռուսաստանի դեմ նոր պատժամիջոցների մասին՝ կապված ենթադրյալ «անօդաչու թռչող սարքերի մատակարարումների» և «ռուսական ապատեղեկատվության» հետ, ասել է պետքարտուղար Էնթոնի Բլինքենը։
«Վաղը մենք կհայտարարենք նոր միջոցների մասին, որոնք խստացնում են արտահանման հսկողությունն իրանական անօդաչու թռչող սարքերում հայտնաբերված տեխնոլոգիաների նկատմամբ, որոնք օգտագործվում են ուկրաինացի խաղաղ բնակիչների և քաղաքացիական ենթակառուցվածքների վրա հարձակման ժամանակ, ինչպես նաև կհակազդենք ռուսական ապատեղեկատվությանը, կաջակցենք իրավապաշտպաններին», - ասել է Բլինքենը մամուլի ասուլիսի ժամանակ Շվեդիա կատարած այցի շրջանակներում: