Փաշինյանը Թուրքիա է մեկնել՝ ներկայացնելու ոչ թե հայկական շահերը, այլ ներկայացնելու ստորացված, պարտված Հայաստանը, այս մասին «Ռեվյու» հաղորդման եթերում անդրադառնալով Նիկոլ Փաշինյանի՝ Անկարա այցին, ասել է քաղաքագետ Հրանտ Միքայելյանը: «Դե հրավերը տվել են, ինքն էլ չի կարողացել հրաժարվել, այսինքն՝ ուզեցել է ներկա լինել: Երբ ՌԴ-ից հրավերները գալիս են, հաճախ հրաժարվում է, իսկ Թուրքիա չի հրաժարվում, ավելին, ամեն հնարավորություն փնտրում է Թուրքիայի հետ կապերն ընդլայնելու՝ այսպիսով իր քաղաքական գիծը տանելով առաջ»,- ասել է բանախոսը: Վերջինը հիշել է, որ դեռ 90-ականներից Փաշինյանն իր հոդվածներում պրոթուրքական գիծ էր տանում: