«Ադրբեջանը դրական է արձագանքել հայկական կողմի առաջարկին, Հայաստանի ու Ադրբեջանի միջև հանդիպում տեղի կունենա»,-այս մասին լրագրողների հետ զրույցում հայտարարել է ՀՀ փոխվարչապետ Մհեր Գրիգորյանը՝ հստակեցնելով, որ խոսքը վերաբերում է սահմանազատման հարցերով հանձնաժողովների աշխատանքային հանդիպմանը:

«Շատ կարևոր կոնսենսուս կա առ այն, որ ապաշրջափակման գործընթացը սկսվում է Երասխ-Հորադիս երկաթգծի վերաշահագործումից, քանի որ կոնկրետ է, և խոսակցությունը երկաթգծի մասին է: Ես կարծում եմ, որ կա վերջնական ընկալում, որ կարգավորումները պետք է լինեն այն երկրների իրավազորության և ինքնիշխանության ներքո, որոնց տարածքով երկաթգիծն անցնելու է, դա էլ է շատ կարևոր ու շատ ֆունդամենտալ համաձայնություն է: Մնացած հարցերի շուրջ դետալները չեմ բացի, քանի որ վերջնական կոնսենսուս չկա»,-ասել է նա: