ԱՄՆ պետքարտուղար Էնթոնի Բլինքենը զանգահարել է Ուկրաինայի և Թուրքիայի արտաքին գործերի նախարարներին՝ քննարկելու Ռուսաստանում ստեղծված իրավիճակը, այս մասին հայտնել է ԱՄՆ պետդեպի մամուլի ծառայությունը։ «Միացյալ Նահանգների աջակցությունն Ուկրաինային չի փոխվի: Իրավիճակի զարգացման շրջանակներում ԱՄՆ-ը կպահպանի սերտ համակարգումն Ուկրաինայի հետ»,- ասվում է հաղորդագրության մեջ: Բլինքենն իրավիճակը քննարկել է նաև Հաքան Ֆիդանի հետ։ Մանրամասներ չեն հաղորդվում: |