Արցախի ԱԺ նախագահի մամուլի խոսնակ Անուշ Ղավալյանը հորդորում է. «Սիրելի արցախցիներ, մի կարևոր խնդրանք ու հորդոր ունեմ, որին կարծում եմ ըմբռնումով կմոտենաք: Տարբեր միջոցառումներից սոցիալական ցանցերում տեղադրվող տեսանյութերը, որոնք Արցախում տիրող ծանրագույն իրավիճակին ընդհանրապես չեն համապատասխանում, ակտիվորեն օգտագործվում են ադրբեջանական քարոզչամեքենայի կողմից: Այս ծանր պայմաններում դժվարությամբ կազմակերպվող փոքրաքանակ մասնակցությամբ միջոցառումները ադրբեջանական քարոզչամեքենան գործիք է դարձնում՝ միջազգային տարբեր կառույցներին մոլորեցնելու կամ ապակողմնորոշելու համար, որ բլոկադա ու հումանիտար ճգնաժամ չկա:
Հարսանիքների ու այլ սիրուն միջոցառումների տեսանյութերը ոգևորող են, ցույց են տալիս ուժ ու կամք, բայց խնդրում եմ ձևական ճոխ կյանքի հետ ասոցացվող տեսանյութերը տարածելուց զերծ մնալ»։