Ղրիմի կամրջի վրա հարձակման պատասխանատվությունը կրում է «Կիևի ռեժիմը», այս մասին հուլիսի 17-ին հայտարարել է Կրեմլի խոսնակ Դմիտրի Պեսկովը: Նրա խոսքով՝ ՌԴ նախագահ Վլադիմիր Պուտինն արդեն հանձնարարականներ է տվել տրանսպորտային երթևեկության ապահովման ու վերանորոգման աշխատանքների կազմակերպման վերաբերյալ։ «Մենք գիտենք պատճառները և նրանց, ովքեր կանգնած են այս հարձակման հետևում»,- ասել է Պեսկովը՝ մեղադրելով Կիևին: Հիշեցնենք՝ Ռուսաստանի Հակաահաբեկչական ազգային կոմիտեն հայտնել էր, որ պայթյունն իրականացվել է «Ուկրաինայի հատուկ ծառայությունների կողմից», ուկրաինական կողմն էլ արձագանքել էր, որ պայթյունը կարող է «Կրեմլի սադրանքը» լինել։ |