«Մենք հայրենիք ենք կորցնում: Ես ոչ մի բան չեմ ակնկալում, այլ պինդ ասում եմ՝ Արցախն արցախցո՛ւնն է...»,- ՀՀ-ում ՌԴ դեսպանատան դիմաց, Արցախի ապաշրջափակման պահանջով ակցիայի ժամանակ, հայտարարեց երգչուհի Գայա Արզումանյանը: Նրա խոսքով՝ այսօր այստեղ միլիոնավոր մարդիկ պետք է կանգնած լինեին. «Իմ Արցախի համար ես ամեն տեղ կանգնած եմ: Պետք ա՝ կգնամ Լաչինի հենց միջանցքի դեմն էլ կկանգնեմ, եթե կարողանամ որպես մի անձ՝ բացել այն: Ու ես ափսոսում եմ, որ հորիցս լավ տղա չի ծնվել, այլ լավ աղջիկ է ծնվել...»,- նշել է նա: