ՀՀ վարչապետ Նիկոլ Փաշինյանն այսօր աշխատանքային այցով մեկնել է Արարատի մարզ: Ճանապարհին զրուցել է բնակիչների հետ: Նրանցից մեկը հարց է բարձրացրել որդու հաշմանդամության կարգի հետ կապված. «Իմ երեխեն ոտքերի հետ կապված խնդիր ունի, պրոթեզավորված է, պատերազմից եկել է էդ վիճակով, կարգը փոխել են, պատճառը չեն ասում»: Փաշինյանն արձագանքել է. «Հաշմանդամության գնահատման համակարգը բերում ենք միջազգային ստանդարտի, որն ասում է՝ ոչ թե գնահատիր ոտք ունի, թե ոչ, այլ՝ քայլել կարողանում է, թե ոչ.... Համակարգը նոր է, կարող ենք սխալներ թույլ տալ, եկեք մի քիչ համբերատար լինենք»: