«Արցախում մեծահասակ պացիենտներ կան, որոնք տեղափոխման կարիք ունեն այս պահին, և ակնկալում ենք մոտ ժամանակներս տեղափոխում իրականացվի»,- լրագրողների հետ զրույցում ասաց ՀՀ առողջապահության նախարար Անահիտ Ավանեսյանը: «Քանի որ պլանային միջամտությունները կասեցված են, բոլոր դեղորայքային և բժշկական նշանակության ապրանքները օգտագործվում են միայն անհետաձգելի և սուր կարիքի դեպքում: Անգամ այս իրավիճակը իրենից ներկայացնում է լուրջ հումանիտար, առողջապահական ճգնաժամ»,- ներկայացնելով Արցախում տիրող իրավիճակը, ասաց Ավանեսյանը: Նա նշեց, որ Արցախում իրավիճակը իրենից ներկայացնում է լուրջ առողջապահական ճգնաժամ: |