Կանադայի վարչապետ Ջասթին Թրյուդոն հայտարարել է կնոջից՝ Սոֆի Գրեգուարից բաժանվելու մասին։ Նրանք ամուսնացած էին 18 տարի։ Թրյուդոն հստակեցրել է, որ իրենք կշարունակեն մնալ «մի սերտ ընտանիք՝ համակված խորը սիրով ու հարգանքով միմյանց և այն ամենի հանդեպ, ինչ մենք կառուցել և կառուցելու ենք»։ Ջասթին Թրյուդոն և Սոֆի Գրեգուարն ամուսնացել են 2005 թվականին և ունեն 3 երեխա։ Կանադայի Լիբերալ կուսակցության առաջնորդ Թրյուդոն վարչապետի պաշտոնը ստանձնել է 2015 թվականին՝ 43 տարեկան հասակում, ինչը նրան դարձրեց երկրի պատմության մեջ երկրորդ ամենաերիտասարդ վարչապետը։ |