+29 °C, +16 °C ... +29 °C Վաղը`+28 °C
2023 թվականի օգոստոսի 20-ին «Ռոսկոսմոս»-ը հայտարարեց Luna-25 միջմոլորակային ավտոմատ կայանի կորստի մասին։ Գործակալության տվյալներով՝ սարքը տեղափոխվել է ոչ նախագծային ուղեծիր և դադարել է գոյություն ունենալ Լուսնի մակերեսի հետ բախման արդյունքում։ «Օգոստոսի 19-ին Luna-25 տիեզերանավի թռիչքային ծրագրին համապատասխան իմպուլս է տրամադրվել նրա նախավայրէջքի էլիպսաձև ուղեծրի ձևավորման համար։ Մոսկվայի ժամանակով մոտավորապես 14:57-ին Luna-25 տիեզերանավի հետ կապն ընդհատվել է։ Սարքը որոնելու և դրա հետ կապ հաստատելու համար օգոստոսի 19-ին և 20-ին ձեռնարկված միջոցառումներն արդյունք չեն տվել։ Նախնական վերլուծության արդյունքների համաձայն՝ իմպուլսի իրական և հաշվարկված պարամետրերի անհամապատասխանության պատճառով սարքն անցել է արտանախագծային ուղեծրի և դադարել գոյություն ունենալ Լուսնի մակերեսի հետ բախման հետևանքով։ Հատուկ ձևավորված միջգերատեսչական հանձնաժողովը կզբաղվի Լուսնի կորստի պատճառները պարզելու հարցերով»,- ասվում է «Ռոսկոսմոս»-ի կայքում։ Հավելենք, որ նածագիծն արժեցել է 12,5 միլիարդ ռուբլի: Luna-25-ը Ռուսաստանի առաջին առաքելությունն էր Լուսնի վրա 1976 թվականից ի վեր, երբ այն Խորհրդային Միության մաս էր: Այդ առաքելությունը՝ Luna-24-ը, բարեհաջող վայրէջք էր կատարել։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am