+17 °C, +16 °C ... +28 °C Վաղը`+29 °C
Վերջին մեկ ամսում Ղրիմում գազալցակայաններում պարբերաբար բենզինի պակաս է նկատվում։ Վերջերս թերակղզու տարածքում գործող վառելիքային ընկերություններից մեկի հաճախորդները հաղորդագրություններ են ստացել, որում կոչ է արվում վառելիք մթերել ապագա օգտագործման համար՝ որոշակի տեսակի վառելիքի մատակարարման հնարավոր ընդհատումների պատճառով։ Ղրիմի տարբեր քաղաքների բնակիչները խոսում են այն մասին, որ բենզինը պարբերաբար անհետանում է Ղրիմի բոլոր հիմնական վառելիքային ցանցերի բենզալցակայաններում՝ ATAN, TES, RedPetrol և Grifon: Խոսակցություններն այն մասին, որ Ղրիմում կարող են լինել վառելիքի և քսանյութերի մատակարարման ընդհատումներ, ծագել են հուլիսի 17-ին Կերչի նեղուցով անցնող կամրջին Ուկրաինայի ռազմածովային ուժերի անօդաչու թռչող սարքերի հարվածից հետո։ Երկու հզոր պայթյունների հետևանքով վնասվել է կամրջի ավտոմոբիլային հատվածը։ Երկաթուղային հատվածը մնացել է անվնաս, սակայն դրա երկայնքով տանկերով վառելիքի մատակարարումը դադարեցվել է։ Բենզալցակայանների ցանցերը նույնպես հայտարարություններ են տարածել, որ Ղրիմում վառելիքի պակաս կա։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am