Հարավաֆրիկյան Հանրապետության ամենամեծ՝ Յոհանեսբուրգ քաղաքում բռնկված հրդեհի հետևանքով զոհվել է ավելի քան 70 մարդ, այդ թվում՝ առնվազն մեկ երեխա։ Հինգշաբթի գիշերն այնտեղ հրդեհվել է 5 հարկանի լքված շենք, որտեղ ավելի քան 200 անօթևան է ապրելիս եղել: Ավելի քան 40 մարդ տեղափոխվել է հիվանդանոցներ։ Հրդեհը մարվել է մի քանի ժամվա ընթացքում։ Սակայն շենքում մարդկանց որոնողական աշխատանքները դեռ շարունակվում են։ Հրդեհի պատճառը դեռևս հայտնի չէ։ |