ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+22 °C, +8 °C ... +22 °C Վաղը`+21 °C
Արայիկ Հարությունյանին Բաքու-Ստեփանակերտ ուղիղ բանակցություններին այլընտրանք է առաջարկվել. «Հրապարակ»
09:06, 01.09.2023 | mamul.am
11538 | 1

«Հրապարակ»-ը գրում է. «Խոսակցությունները, թե Արցախում քաղաքական ուժերը ճնշում են գործադրել՝ պարտադրելով Արայիկ Հարությունյանի հրաժարականը, իրականությանը չի համապատասխանում՝ երեկ մեզ ասաց Արցախի ընդդիմադիր պատգամավոր Մետաքսե Հակոբյանը։
Նա ճիշտ հակառակը պնդեց, որ օրերս ԱՀ խորհրդարանի գիշերային վեցժամանոց նիստում, որի մասնակիցներն են, ըստ լուրերի, պարտադրել Հարությունյանին հրաժարական, բազմաթիվ առաջարկներ են հնչել՝ իրավիճակից դուրս գալու վերաբերյալ, որոնց Հարությունյանը պատասխանել է, թե կխորհրդակցի և որոշում կկայացնի։

Մետաքսե Հակոբյանի «Արդարություն» կուսակցությունը Բաքու-Ստեփանակերտ ուղիղ բանակցություններին այլընտրանք է առաջարկել․ «Մեր կուսակցության նախագահն առաջարկեց, որ ստեղծվի, այսպես կոչված, «3+1» ձևաչափ։ Նոյեմբերի 9-ի եռակողմ հայտարարությունը ստորագրած կողմերի ներկայացուցիչներից աշխատանքային խումբ ձևավորվի: Պետք է համոզել թե՛ ՀՀ, թե՛ ՌԴ իշխանություններին` այդ խումբը ձևավորել, որում ներգրավված կլինի նաև Արցախի ներկայացուցիչը, որտեղ կնստեն, կքննարկեն ստեղծված իրավիճակը և հնարավորություն կտան Արցախին ու Ադրբեջանին՝ իրար առջև դնել առաջարկներ-պահանջներ, և որոշում կայացվի:

Եթե այս իշխանությունն ի վիճակի լիներ դա անելու, դա միակ ելքն էր: Եթե ոչ` պետք է ուրիշներին հնարավորություն տա։ Հարությունյանն ասաց, որ կխորհրդակցի այդ առաջարկների վերաբերյալ, թե ում հետ է խորհրդակցել և հրաժարականի որոշում կայացրել, ես չեմ կարող ասել»։

Մանրամասները՝ թերթի համարում:

Կիսվի՛ր այս նյութով՝
դեպի վեր