Քիչ առաջ արտակարգ դեպք է տեղի ունեցել Երևանում։ Ժամը 11։20-ի սահմաններում ՀՀ ՆԳՆ փրկարար ծառայության 911 Ճգնաժամային կառավարման ազգային կենտրոն ահազանգ է ստացվել, որ ժողովրդին հայտնի «Վստրեչի» կամրջից մի կին երեխային գրկած սպառնում է ցած նետվել: Ինչպես հայտնում է ֆոտոլրագրող Գագիկ Շամշյանը, կինը հայտնել է, որ ինքն Արցախի Հանրապետության քաղաքացի է ու անարդարության զոհ է դարձել. այլևս չի ուզում ապրել։ Քիչ առաջ բժիշկներին, փրկարարներին ու ոստիկաններին հաջողվել է համոզել կնոջը՝ ետ կանգնել այդ քայլից: Նրան տեղափոխել են հիվանդանոց: |