Ժամը 18։00-ի դրությամբ Արցախից բռնի տեղահանված 100 հազար 480 անձ է ժամանել Հայաստանի Հանրապետություն։ Այս մասին կառավարության հերթական ճեպազրույցի ժամանակ հայտնեց ՀՀ վարչապետի մամուլի խոսնակ Նազելի Բաղդասարյանը։ Նա նշեց, որ Հակարիի կամուրջն այս պահի դրությամբ հատել է 21․076 տրանսպորտային միջոց, 83467 անձ արդեն հաշվառվել է․ «Արական սեռի ներկայացուցիչները կազմում են շուրջ 49 տոկոս, իգական սեռի ներկայացուցիչները համապատասխանաբար 51 տոկոս»,- ասաց նա։ |