Ռուսաստանը հայտնել է Կուրսկի մարզում անօդաչուներով հարձակման մասին: Մի շարք շրջաններ մնացել են առանց էլեկտրականության։ Ինչպես հայտնում է Կուրսկի մարզպետ Ռոման Ստարովոյտը, ուկրաինական կողմի՝ անօդաչուներով հարձակման հետևանքով էլեկտրականությունն անջատվել է։

«Վնասվել են Սուժանի, Կորենևի, Գլուշկովի ենթակառուցվածքները։ Մասնագետներն արդեն սկսել են էլեկտրամատակարարման վերականգնման աշխատանքները։ Հարվածի տակ է հայտնվել Սուջա քաղաքի կենտրոնական էլեկտրակայանը»,- ասել է նա։ Փորձագետները կանխատեսում են, որ աշնանն ու ձմռանը ռուսները կփորձեն հարվածներ հասցնել լոգիստիկայի ուղղությամբ, վնասել էներգետիկ ենթակառուցվածքը, գրում է լրատվամիջոցը:

Ավելի վաղ Ուկրաինայի պաշտպանության նախարարության հետախուզության վարչության պետ Կիրիլ Բուդանովը հայտնել էր, որ պատասխան հարված կլինի։