Ամերիկացի գործարար Իլոն Մասքը X սոցցանցում արձագանքել է իրեն ռուսամետ հայացքների մեջ մեղադրողներին. «Եկեք շատ խիստ չդատենք NPC-ներին։ Նրանք պարզապես ասում են այն, ինչ նրանց ծրագրավորել են»,- գրել է Մասքը։ Օրերս նա «տառապող մարդու» մեմ էր հրապարակել, որը նմանեցրել էին Ուկրաինայի նախագահ Վլադիմիր Զելենսկուն։ «Երբ անցել է արդեն հինգ րոպե, իսկ դու դեռ միլիարդ դոլար չես խնդրել»,- ասվում էր գրառման մեջ։ Գրառումը վրդովմունք էր առաջացրել Ուկրաինայում, իսկ Գերագույն ռադան Մասքին մեղադրել էր ռուսական քարոզչության մեջ։ |