+18 °C, +9 °C ... +19 °C Վաղը`+21 °C
ՄԱԿ-ի գլխավոր քարտուղար Անտոնիո Գուտերեշը Իսրայելին կոչ է արել հարգել միջազգային իրավունքը Գազայում գործողություններ իրականացնելիս։ Նրա հայտարարությունից հատվածներ հրապարակել է կազմակերպության մամուլի ծառայությունը հոկտեմբերի 9-ին։ «Թեև ես ընդունում եմ Իսրայելի անվտանգության օրինական մտահոգությունները, ես նաև հիշեցնում եմ Իսրայելին, որ ռազմական գործողությունները պետք է իրականացվեն միջազգային մարդասիրական իրավունքին խստորեն համապատասխան»,- ասել է ՄԱԿ-ի գլխավոր քարտուղարը: Գուտերեշը նշել է, որ իրավիճակը Գազայում բարդ էր մինչև հակամարտության սրումը, սակայն այժմ այն սպառնում է «էքսպոնենցիալ» վատթարանալ։ Ըստ ՄԱԿ-ի գլխավոր քարտուղարի՝ Մերձավոր Արևելքում խաղաղությունը հնարավոր է միայն հակամարտող երկու պետությունների բանակցությունների միջոցով, երբ Իսրայելը տեսնում է իր անվտանգային կարիքների ապահովումը, իսկ Պաղեստինը տեսնում է սեփական պետություն ստեղծելու հստակ հեռանկար։ ՄԱԿ-ի գլխավոր քարտուղարի ներկայացուցիչ Ստեֆան Դյուժարիկը հայտնել է նաև, որ Գուտերեշն արդեն հեռախոսազրույցներ է ունեցել հրեական պետության նախագահ Իսահակ Հերցոգի հետ։ Այժմ, ըստ ներկայացուցչի, գլխավոր քարտուղարը զրույց է ակնկալում Իսրայելի վարչապետ Բենիամին Նեթանյահուի և Պաղեստինի նախագահ Մահմուդ Աբասի հետ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am