ՌԴ նախագահ Վլադիմիր Պուտինը պաղեստինա-իսրայելական ճգնաժամն անվանել է Մերձավոր Արևելքում ԱՄՆ-ի քաղաքականության ձախողման վառ օրինակ, որը, ըստ նրա, փորձում էր մենաշնորհել կարգավորումը: «Կարծում եմ՝ շատերն ինձ հետ կհամաձայնեն, որ սա Մերձավոր Արևելքում Միացյալ Նահանգների քաղաքականության ձախողման վառ օրինակ է, որը փորձել է մոնոպոլիզացնել կարգավորումը, բայց, ցավոք, մտահոգված չի եղել փոխզիջումների որոնմամբ, որոնք ընդունելի են երկու կողմերի համար, այլ ընդհակառակը, առաջ է քաշել սեփական պատկերացումներն այն մասին, թե ինչպես դա պետք է արվի։ Հակամարտության կողմերը պետք է ձգտեն նվազագույնի հասցնել քաղաքացիական բնակչությանը հասցված վնասը: Իսրայելի և Պաղեստինի միջև հակամարտությունը պետք է լուծվի անկախ պաղեստինյան պետության ստեղծման ճանապարհով»,- ասել է Պուտինը։