Իսրայելում պատերազմը փորձություն է դարձել Իլոն Մասքի X սոցցանցի համար, որը նա ձախողել է, գրում է Bloomberg-ը։ Պարբերականը նշում է, որ այն բանից հետո, երբ ՀԱՄԱՍ-ի զինյալները ներխուժել են Իսրայել, սոցցանցում հայտնվել են հրթիռային ավիահարվածների, շենքերի ավերածությունների չստուգված լուսանկարներ և տեսանյութեր: Շատ գրառումներում օգտագործում էին զինված հակամարտության հին պատկերներ՝ դրանք ներկայացնելով որպես նոր։ Նախքան Մասքի կողմից Twitter-ի գնումը՝ կապույտ նշանը նշանակում էր, որ օգտահաշվին կարելի է վստահել, քանի որ այն հաստատված անձ է, մեդիա կամ բիզնես: Այժմ այդ նշանը պարզապես կարելի է գնել բաժանորդագրությամբ: Արդյունքում ապատեղեկատվություն տարածող օգտահաշիվների թիվն ավելացել է։ |