Լեռնային Ղարաբաղում ռուս խաղաղապահները գտնվում են Ադրբեջանի տարածքում, ուստի նրանց հետագա ճակատագիրը կքննարկվի Բաքվի հետ: Այս մասին հայտարարել է ՌԴ նախագահի խոսնակ Դմիտրի Պեսկովը: Նա մեկնաբանել է ՀՀ վարչապետ Նիկոլ Փաշինյանի խոսքերն այն մասին, որ խաղաղապահները չեն կարող տեղափոխվել Հայաստան, եթե հեռանան Ղարաբաղից: «Հիմա նրանք դե ֆակտո և դե յուրե գտնվում են Ադրբեջանի տարածքում։ Դա խոստովանում է ՀՀ վարչապետը։ Ինչ վերաբերում է նրանց գտնվելու հետագա ռեժիմին և դրան ուղեկցող բոլոր ձևերին, ապա, իհարկե, դա կքննարկվի ադրբեջանական կողմի հետ»,- ասել է նա: |