Ռուսաստանը խստորեն դատապարտել է Իսրայելի հարվածները Դամասկոսի և Հալեպի օդանավակայաններին։ «Իսրայելական կողմի այս գործողությունները հանդիսանում են Սիրիայի Արաբական Հանրապետության ինքնիշխանության և միջազգային իրավունքի հիմնական նորմերի կոպիտ խախտում։ Պաղեստինա-իսրայելական հակամարտության գոտում իրավիճակի կտրուկ վատթարացման համատեքստում նման ուժային գործողությունները հղի են չափազանց վտանգավոր հետևանքներով, քանի որ դրանք կարող են հրահրել զինված սրացում ողջ տարածաշրջանում։ Դա ոչ մի դեպքում չի կարելի թույլ տալ»,- ասվում է ՌԴ ԱԳՆ հայտարարության մեջ: |