+12 °C, +9 °C ... +21 °C Վաղը`+22 °C
Իսրայելի նախկին վարչապետ Նաֆթալի Բենեթին ուղիղ եթերում զայրացել է, երբ Գազայի հատվածում էլեկտրաէներգիայի անջատումից հետո ինկուբատորներում մնացած պաղեստինցի երեխաների ճակատագրի մասին լրագրողը հարց է հղել: Բենեթն ուղիղ եթերում հարցազրույց է տվել Sky News հեռուստաալիքին։ Իսրայելն ավելի վաղ հայտարարել է Գազայի հատվածի ամբողջական շրջափակման մասին. դադարեցվել է ջրի, սննդամթերքի, էլեկտրականության, դեղորայքի և վառելիքի մատակարարումը: «Ի՞նչ է լինելու ինկուբատորներում գտնվող երեխաների հետ, որոնք զրկվել են կենսաապահովման համակարգերից այն բանից հետո, երբ իսրայելցիներն անջատել են Գազայի հատված էլեկտրաէներգիայի մատակարարումը»,- հարց է ուղղել լրագրողը։ Բենեթը բարկացած պատասխանել է․ «Դուք հիմա լուրջ ինձ հա՞րց եք տալիս պաղեստինցի խաղաղ բնակիչների մասին։ Ի՞նչ է կատարվում ձեզ հետ։ Ես ջուր և էլեկտրականություն չեմ մատակարարի իմ թշնամուն, եթե ինչ-որ մեկն ուզում է դա անել, խնդրեմ, թող անի»։ Լրագրողը խնդրել է Բենեթին չբարձրացնել ձայնը, որից հետո լեզվակռիվ է սկսվել, որի ընթացքում Բենեթն ամոթանք է տվել լրագրողին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am