Թուրքիայի նախագահ Ռեջեփ Թայիփ Էրդողանը անընդունելի և անմարդկային է անվանել Իսրայելի կոչը Գազայի բնակիչներին՝ հեռանալ հյուսիսային հատվածից։ Այս մասին հայտնում է Reuters-ը։ «Ստիպել Գազայի 2,5 միլիոն բնակիչներին` ծայրահեղ սահմանափակ տարածքում գաղթել` միջազգային իրավունքի ակնհայտ խախտում է, և սա չի տեղավորվում մարդկայնության չափանիշներում»,- ասել է Թուրքիայի ղեկավարը: Թուրքիայի նախագահը նաև հույս է հայտնել, որ Թել Ավիվը կշտկի այս իրավիճակը և կդադարեցնի իր գործողությունները Գազայում մարդկանց դեմ։ |