Բաքվում շարունակվում է Վագիֆ Խաչատրյանի դեմ շինծու գործով դատական նիստը, առաջինը՝ հոկտեմբերի 13-ին էր: Հիշեցնենք, որ արցախցի 68-ամյա տղամարդն ադրբեջանցի ուժայինների կողմից առևանգվել էր հուլիսի վերջին՝ Լաչինի անցակետից: Վագիֆ Խաչատրյանը չի ընդունել ադրբեջանական դատարանի կողմից իրեն առաջադրված բոլոր մեղադրանքները և ասել է, որ չի մասնակցել ադրբեջանցիների դեմ հանցագործություններին. «Այնտեղ ապրող ադրբեջանիցներն ինձ մտերիմ էին, ես նրանց բոլորին գիտեի»: |