ԱՄՆ նախագահի ազգային անվտանգության գծով օգնական Ջեյք Սալիվանն ասել է, որ Միացյալ Նահանգների դաշնային բյուջեում Ուկրաինային օգնության միջոցները գործնականում սպառվել են։ Նրա խոսքերը մեջբերում է ՏԱՍՍ-ը։ «Այն միջոցներն ու լիազորությունները, որոնք Քոնգրեսը նախկինում ճնշող մեծամասնությամբ հաստատեց, բոլորը միայն վերջացել են: Եվ մենք Քոնգրեսի գործողությունների կարիք ունենք՝ համոզված լինելու համար, որ մենք կարող ենք շարունակել բավարարել Ուկրաինայի կարիքները մարտի դաշտում»,- ասել է Սալիվանը: Նա ընդգծել է, որ Սպիտակ տունը սերտ կապի մեջ է լինելու Քոնգրեսի հետ և խորհրդակցելու է նրա հետ Ուկրաինային նոր միջոցներ փոխանցելու հարցով։ Մինչ այս, ԱՄՆ նախագահ Ջո Բայդենը ժողովրդին ուղղված ուղերձում Ուկրաինային և Իսրայելին տրամադրվող օգնությունն անվանել էր «խելացի ներդրում», որը «շահաբաժիններ կբերի» ապագա սերունդներին: Նա նշել է, որ եթե Ռուսաստանը հաղթի, նա «կանգ չի առնի» և կարող է «հարձակվել» ՆԱՏՕ-ի երկրների վրա, իսկ «պոտենցիալ ագրեսորները» ամբողջ աշխարհում կօգտվեն առիթից, ինչը կհանգեցնի հակամարտությունների այլ տարածաշրջաններում։ |