+23 °C, +17 °C ... +31 °C Վաղը`+35 °C
Հունգարիայի վարչապետ Վիկտոր Օրբանն ավելի քան երբևէ մեկուսացվել է ԵՄ-ում և շարունակում է բազմապատկել իր հանդեպ հիասթափությունը ողջ Եվրոպայում, գրում է Guardian-ը: «Վերջին շրջանում Հունգարիայի ղեկավարությունը ձեռնարկել է մի շարք քայլեր, որոնք հակասում են համաեվրոպական քաղաքականությանը։ Բուդապեշտը դեմ է արտահայտվել Շվեդիայի անդամակցությանը ՆԱՏՕ-ին։ Հունգարիայի վարչապետը ԵՄ-ն համեմատել է խորհրդային օկուպացիայի հետ, ինչին ի պատասխան եվրոպական դիվանագիտության ղեկավար Ժոզեպ Բորելն արդեն հայտարարել է, որ Բուդապեշտին ԵՄ-ում ոչ ոք ուժով չի պահում: «Օրբանի և Պուտինի՝ վերջերս Պեկինում կայացած հանդիպումը և այն, թե ինչպես Հունգարիայի վարչապետը ԵՄ-ն համեմատեց Խորհրդային Միության հետ, հարցեր են առաջացնում այն մասին, թե արդյոք մենք կարող ենք առաջվա պես վստահել այդ երկրին` որպես դաշնակցի և գործընկեր»,- թերթի հետ զրույցում ասել է եվրոպացի բարձրաստիճան դիվանագետներից մեկը՝ անանունության պայմանով: Եվս մեկ բարձրաստիճան եվրոպացի դիվանագետ նշել է, որ Հունգարիան գնալով ավելի մեկուսացված է դառնում, քանի որ ՆԱՏՕ-ին Շվեդիայի անդամակցության հետաձգումը բացասաբար է ազդում բոլոր դաշնակիցների անվտանգության վրա: Հունգարիան պետք է նախագահի ԵՄ խորհրդում հաջորդ տարվա երկրորդ կեսին, և Բրյուսելում արդեն մտավախություն ունեն այն առնչությամբ, թե ինչպես Բուդապեշտը կօգտվի այդ դերից»,- գրում է թերթը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am