+23 °C, +20 °C ... +35 °C Վաղը`+35 °C
ԱՄՆ-ի նախագահի ազգային անվտանգության հարցերով խորհրդական Ջեյք Սալիվանը CNN-ին տված հարցազրույցում ասել է, որ ԱՄՆ նախագահ Ջո Բայդենը մոտակա ժամերին բանակցություններ կվարի Իսրայելի վարչապետ Բենիամին Նեթանյահուի հետ։ Բանակցությունների ընթացքում Բայդենը մտադիր է ընդգծել Գազայում ահաբեկիչներին խաղաղ բնակչությունից տարբերելու կարևորությունը։ Սալիվանը նշել է. «Հազարավոր պաղեստինցի խաղաղ բնակիչներ են զոհվել այս հակամարտության ընթացքում, և դա բացարձակ ողբերգություն է»։ Նա նաև ավելացրել է. «Այս մարդիկ արժանի չէին մահվան։ Նրանք արժանի էին ապրելու խաղաղության, ապահովության և արժանապատվության մեջ»: ՀԱՄԱՍ-ի կողմից կենդանի վահանների օգտագործումը մեծացնում է իրավիճակի բարդությունն Իսրայելի համար, բայց չի ազատում նրան միջազգային իրավունքի համաձայն՝ ահաբեկիչներին խաղաղ բնակիչներից տարբերելու և անմեղ մարդկանց պաշտպանելու պատասխանատվությունից, ասել է Սալիվանը: Սալիվանը նաև մատնանշել է Իսրայելի` պատերազմում «միջոցները նպատակներին համապատասխանեցնելու» անհրաժեշտությունը՝ հավանաբար վկայելով Վաշինգթոնի անհանգստության մասին` ցամաքային գործողություններում Իսրայելի ռազմավարության վերաբերյալ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am