Ադրբեջանի փոխարտգործնախարար Էլնուր Մամեդովը հայտնել է, որ այս պահի դրությամբ Երևանն ու Բաքուն համաձայնեցրել են խաղաղության համաձայնագրի կետերի մեծ մասը։ «Խաղաղության համաձայնագրի վերաբերյալ Ադրբեջանի առաջարկն ուժի մեջ է: Հաջորդ քայլերը պետք է անի առաջին հերթին Հայաստանը։ Խաղաղության համաձայնագրի կետերի մեծ մասը կողմերը համաձայնեցրել են»,- նշել է այդ երկրի պաշտոնյան։

Այսօր ԱԺ-ում ՀՀ վարչապետ Նիկոլ Փաշինյանը հայտարարել էր, որ Ադրբեջանի հետ հարաբերությունների կարգավորման և խաղաղության երեք հիմնական սկզբունքները համաձայնեցված են, և եթե կողմերը մնում են հավատարիմ այդ համաձայնեցված սկզբունքներին, խաղաղության և հարաբերությունների կարգավորման պայմանագրի ստորագրումը դառնում է իրատեսական: