«Բավականին մեծ հոսք կա՝ ԼՂ-ից բռնի տեղահանված մեր քույրերն ու եղբայրները դիմում են ՀՀ քաղաքացիություն ստանալու հարցով: Մեր խնդիրն այն է, որ հնարավորինս արագ այդ գործը կազմակերպենք, իհարկե այն ունի օրենսդրական որոշ նրբություններ, որոնք պետք է պահպանվեն»,- Կառավարության նոյեմբերի 2-ի նիստի ժամանակ հայտարարել է ՀՀ վարչապետ Նիկոլ Փաշինյանը: Նա նաև անդրադարձել է արցախցի կենսաթոշակառուների թոշակների վճարման հարցին. «Քաղաքացիություն ու կարգավիճակ ստանալուց հետո պետք է մտածենք՝ թոշակների վճարման ի՞նչ համակարգ ենք ներդնում, ի՞նչ սկզբունքներ պետք է գործեն»,- նշել է գործադիրի ղեկավարը: