ԱԺ արտաքին հարաբերությունների ու ֆինանսավարկային և բյուջետային հարցերի հանձնաժողովների համատեղ նիստում ընթացող բյուջետային քննարկման ժամանակ ԱԳ նախարար Արարատ Միրզոյանն անդրադարձել է Հայաստան-Թուրքիա հարաբերությունների կարգավորման հարցին։ «Միջպետական ցամաքային սահմանը բացելու պայմանավորվածության մասով, առայժմ հատուկ խմբի մարդկանց համար, մոտ ապագայում լավ նորություններ գուցե ունենանք»,- ասել է նախարարը։ Նա պարզաբանել է, որ հատուկ խմբի մարդկանց շարքում են ՀՀ ու Թուրքիայի այն քաղաքացիները, ովքեր դիվանագիտական անձնագիր ունեն, ինչպես նաև երրորդ երկրների քաղաքացիները։