Երևանի ավագանու անդամ Քրիստինա Վարդանյանը լուսանկարներ է տարածել ֆեյսբուքյան իր էջում՝ կից գրառմամբ. «Վերադառնալով այսօրվա զազրելի դեպքին, հավելեմ, որ ծառը մշակել են չորացնող հեղուկներով, հատուկ անցքեր արել, արմատավզիկի շրջանում, կեղևազրկել, որ չորանա։ Բացթողում է նաև, որ ՀՈԱԿ-ը, թեկուզ չոր ճյուղերը հատելու թույլտվություն տալուց առաջ, այս 100-ամյա մեծ արժեք ներկայացնող սոսին չի զննել ու այսօր է մասնագիտական ուսումնասիրություն անում։ Երևանը 100-ամյա սոսիներով հարուստ չէ, որ նման վերաբերմունքի արժանացնեն։ Սոսին իր կյանքով է Երևանի պատմության վկան, առանց փաստաթղթի։ Ներեք մեզ, մեր կյանքի «պահապաններ», որ այսչափ անշնորհակալ ենք»: