+18 °C, +17 °C ... +28 °C Վաղը`+29 °C
Թուրքիայի «Ազգայնական շարժում» կուսակցության (ԱՇԿ) ղեկավար Դևլեթ Բահչելին կտրուկ դատապարտել է Գազայում Իսրայելի գործողությունը՝ այն անվանելով մեր ժամանակների ամենադաժան արյունահեղություններից մեկը։ Սոցցանցերում արված հայտարարության մեջ նա պնդում է, որ 2023 թվականի հոկտեմբերի 7-ից Իսրայելի հարձակումների հետևանքով զոհվել է ավելի քան 16 հազար պաղեստինցի և վիրավորվել են տասնյակ հազարները, հայտնում է TRT Haber-ը։ Ազգայնական առաջնորդն ընդգծել է, որ Իսրայելի գործողությունները, այդ թվում՝ ժամանակավոր հրադադարից հետո հարվածների վերսկսումը, «մարդկության դեմ ուղղված հանցագործություններ» են։ Նա դատապարտել է Գազայի ռմբակոծությունը՝ անկլավն անվանելով «մահվան գոտի»։ Բահչելին նաև կոչ է արել ստեղծել պաղեստինյան պետություն, որի մայրաքաղաքն է Արևելյան Երուսաղեմը՝ հիմնված 1967 թվականի սահմանների վրա։ Նա Իսրայելից պահանջել է փոխհատուցում վճարել, իսկ նրա ղեկավարությունը, այդ թվում՝ Բենիամին Նեթանյահուն, պատասխանատվության ենթարկվել Միջազգային քրեական դատարանի առջև իր գործողությունների համար։ Բահչելին կարծիք է հայտնել, որ հրեական համայնքը պետք է դատապարտի Իսրայելի ագրեսիան, և թուրք ազգի պատրաստակամությունն է հայտնել` աջակցելու պաղեստինցիներին։ «Թուրք ժողովուրդն այլևս չի ցանկանում լռել և կողքից լուռ դիտել արյունահեղությունը և ցեղասպանությունը, որը տեղի է ունենում ամեն օր»,- ասել է Բահչելին՝ ընդգծելով, որ «Երուսաղեմը սիրող կամավորները պատրաստ են ամեն ինչի` պաշտպանելու համար ճնշված պաղեստինցի եղբայրներին և իսլամական արժեքները»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am