Կիևը կարող է զրկվել ԵՄ-ի` 50 մլրդ եվրոյի չափով օգնությունից, գրում է FinancialTimes-ը՝ վկայակոչելով անանուն պաշտոնյաների հայտարարությունը: «ԵՄ անդամ երկրները հեռու են Ուկրաինայի համար 50 մլրդ եվրոյի չափով օգնության տրամադրման հարցով համաձայնության գալուց»,- ասել են պաշտոնյաները: Ինչպես նշել է թերթի զրուցակիցը, Եվրոմիությունը փորձում է Ուկրաինային օգնության հարցով փոխհամաձայնության հասնել, սակայն դրան խոչընդոտում են Նիդերլանդներում ընտրություններում աջական կուսակցության հաղթանակն ու վերջերս Գերմանիայի դատարանում կայացված վճիռը, որը սահմանափակում է Գերմանիայի կառավարության բյուջեն: Ընդ որում, ինչպես սպասվում է, օգնության հարցով վերջնական որոշում կկայացվի մինչև Բրյուսելում նախատեսված գագաթնաժողովը: |