Մեծ Բրիտանիան դեկտեմբերի 6-ին կհայտարարի Ռուսաստան ռազմական սարքավորումներ և մասեր արտահանող օտարերկրյա մատակարարների դեմ պատժամիջոցների նոր փաթեթի սահմանման մասին: Այս մասին հայտնել է ՄԲ կառավարությունը: Նշվում է, որ պատժամիջոցները նպատակ ունեն Պուտինի ռեժիմին զրկել զենքի արտադրության ռեսուրսներից: «Մենք հավատարիմ ենք մնում Ուկրաինային աջակցելու հանձնառությանը: Մենք չենք կարող թույլ տալ, որ Ռուսաստանը հաղթի»,- ասել է ՄԲ արտգործնախարար Դևիդ Քեմերոնը: |