Google-ը հայտարարել է Gemini կոչվող արհեստական բանականության (AI) իր նոր համակարգի գործարկման մասին, հայտնում է Popular Mechanics-ը։ Gemini շարքը կներկայացնի երեք տարբերակ՝ Gemini Ultra ամենաբարդ առաջադրանքների համար, միջին դասի Gemini Pro՝ առաջադրանքների լայն շրջանակի համար և Gemini Nano՝ նախատեսված շարժական սարքերի համար: Արդեն հայտնի է, որ Google-ի AI chatbot Bard-ը կստանա Gemini Pro-ի կատարելագործված տարբերակը։ Բացի այդ, Gemini Nano-ն ինտեգրվելու է Google Pixel 8 Pro սմարթֆոնին։ Google-ի մշակողները խոստանում են նաև, որ առաջիկա ամիսներին Gemini-ի աջակցությունը կհայտնվի Google որոնողական համակարգում, գովազդային ծառայություններում, Chrome բրաուզերում և ընկերության այլ արտադրանքներում։ |